Yrkes- og utdanningsmessa samlar elevar, lærarar, bedrifter og opplæringsmiljø til ein dag full av praktiske demonstrasjonar, studieretningar og karrieremoglegheiter. For dykk som utstillar er dette ein unik sjanse til å synleggjere fag, utdanningsvegar og rekrutteringsbehov – og å møte dei som kan bli dykkar framtidige lærlingar eller medarbeidarar.
I 2024 deltok heile 45 bedrifter, skular og organisasjonar på messa. I år har vi eit hårete mål: 50 utstillarar!
-
Program: Blir sendt ut til alle utstillarar nærare start.
-
Standplass: Fordelast etter bransje og plassbehov.
-
Innlasting: Nærare informasjon kjem i e-post før arrangementet.
Vi oppmodar verksemder frå alle bransjar, opplæringskontor, høgskular og organisasjonar til å delta. Messa blir lagt opp med aktivitetar og presentasjonar som gjer det lett å engasjere ungdomane.
Har du spørsmål? Ta kontakt
-
Amanda Bjørnenak, 91695656, amanda@nhullensvang.no
-
Christel Kvamme, 45479095, christel@nhullensvang.no
Ofte stilte spørsmål
01
Kva kostar det?
Grunnpakke - 3.600,-
Ekstra bord - 600,-
Lunsj per person - 100,- (baguette, tilgong til kaffe og te gjennom messa)
02
Kva er inkludert i grunnpakka?
Grunnpakka inkluderer eitt bord, tilgong til straum og internett, logo på deltakarlista.
04
Korleis lykkast på stand?
I messehallen gjeld det å fange merksemda til framtidige jobbsøkarar – og å gjere inntrykk som varer. Her er fem enkle tips:
-
Ver open og engasjert – godt humør og aktiv kontakt med elevane senkar terskelen.
-
Framhev lærlingplassar – mange elevar skal snart ut i lære, dette er ein gyllen sjanse til å finne gode kandidatar.
-
Kjenn di eiga verksemd – sel moglegheitene, verdiane og miljøet ditt.
-
Del ut noko smått – flyers, penner eller andre smågåver gjer alltid suksess.
-
Utnytt standplassen – konkurransar, demonstrasjonar eller ny teknologi trekkjer folk. Ta kontakt om du treng tilrettelegging.
05
Kven kjem på messa?
Yrkes- og utdanningsmessa samlar elevar frå 10. trinn, vidaregåande skular (VG1–VG3) og vaksenopplæringa i Hardanger og Voss.
I tillegg deltek lærarar, rådgjevarar, representantar frå opplæringskontor.
Vaksenopplæringa og flyktningtenesta tek med sine respektive deltakarar.
Dette gir utstillarane ein unik moglegheit til å møte både framtidige lærlingar, studentar og vaksne jobbsøkarar – samt nøkkelpersonar for rekruttering.