TILFLYTTARKVELDEN 2026
27. oktober
Tid: Tysdag 27. oktober 2026
Stad: Sentralbadet Litteraturhus, Odda
Er du ny i Ullensvang, eller har du flytta hit i løpet av det siste året? Då inviterer vi deg til årets tilflyttarkveld!
Tilflyttarkvelden er kommunen si offisielle velkomsthelsing til nye innbyggjarar. Her får du høve til å bli betre kjend med lokalsamfunnet, møte andre som også er nye i kommunen, og oppdage noko av alt Ullensvang har å by på.
I år samlast vi på Sentralbadet Litteraturhus til ein sosial og uformell kveld med mat, gode samtalar og møte med frivillige lag og organisasjonar. Du kan besøkje ulike stands, bli kjend med aktivitetar og tilbod i kommunen, og få inspirasjon til korleis du kan engasjere deg i lokalmiljøet.
Som noko nytt blir det også basar, der lokale verksemder og organisasjonar har bidrege med flotte premiar. Basaren er ein kjekk aktivitet som gjer det endå enklare å bli kjend med det store mangfaldet av tilbod i Ullensvang.
Arrangementet er gratis, men krev påmelding. Meir informasjon om program og påmelding kjem snart.
Velkommen til Ullensvang!
Bli kjend med lokalmiljøet
Få informasjon frå kommunen
Lær meir om tenester, tilbod og moglegheiter i Ullensvang.
Bli kjend med frivillige organisasjoner
Oppdag lag og foreiningar som skapar aktivitet og fellesskap.
Møt andre tilflyttarar
Del erfaringar, bygg nettverk og finn nye venner.
