Psykososialt arbeidsmiljø – nye krav, praktiske grep og felles ansvar

23.2 | 12.00 – 15.00

Frå 1. januar 2026 er krava i arbeidsmiljølova knytt til psykososialt arbeidsmiljø tydelegare presiserte. Mange verksemder etterspør no konkret rettleiing i kva endringane faktisk betyr i praksis – og korleis ein kan jobbe meir systematisk, førebyggjande og dokumenterbart.

Dette kurset gir ei praktisk og forståeleg innføring i dei nye krava, med særleg vekt på korleis leiing, HR, verneombod og tilsette saman kan bidra til eit forsvarleg psykososialt arbeidsmiljø. Kurset er lagt opp med dialog, refleksjon og korte drøftingar, slik at deltakarane kan knyte regelverk og teori tett opp mot eigen kvardag.

Innhald i kurset

Kurshaldar gir ei fagleg ramme og leier deltakarane gjennom sentrale tema, mellom anna:

• Kva ligg i dei nye presiseringane i arbeidsmiljølova – og kva betyr dei for arbeidsgivar

• Psykososialt arbeidsmiljø i praksis: tidspress, rolleavklaring, emosjonelle belastningar og støtte

• Korleis jobbe strukturert med kartlegging, risikovurdering og førebyggande tiltak

• Roller og ansvar i verksemda – kva forventast av leiing, HR, verneombod og tilsette

• Krav til dokumentasjon og systematikk – kva er “godt nok”?

Undervegs blir det lagt opp til innspel frå deltakarane, korte refleksjonsoppgåver og diskusjonar i plenum, slik at erfaringar og problemstillingar frå eigen arbeidsplass kan løftast og drøftast i fellesskap.

Målgruppe

Kurset passar for leiarar, HR- og personalansvarlege, verneombod og andre som har ansvar for, eller interesse for, arbeidsmiljøarbeid. Det er særleg relevant for verksemder som ønskjer ei betre forståing av eigne plikter etter arbeidsmiljølova, og som vil jobbe meir systematisk og førebyggjande med det psykososiale arbeidsmiljøet i kvardagen.

Kurshaldar: Bedriftssjukepleiar Turid Skurtveit, senior HMS-rådgjevar hos Bedriftshelse1

Eg vil melde meg på