Smarte verktøy og ekte engasjement

Fullt hus og etterspel: Engasjementet sat i veggane etter KI-kurs i Odda

Bilde generert av KI

Fredag 25. april var det duket for minikurs i kunstig intelligens og digital marknadsføring. Temaet var høgaktuelt: korleis små og mellomstore verksemder kan ta i bruk KI-verktøy for å jobbe meir effektivt og målretta – spesielt i arbeidet med synlegheit og marknadsføring.

Kurshaldar Åsmund Aarsand jobbar digitalmarknadsførar i Hardanger og Voss Næringshage og Visit Voss. Åsmund losa oss gjennom ein praktisk introduksjon til ulike KI-verktøy, med fokus på kva dei faktisk kan brukast til i kvardagen. Alt frå tekstgenerering til bildeproduksjon og automatisering vart dekka – med utgangspunkt i verksemdsnære behov.

Det var god stemning og mykje engasjement i rommet, og diskusjonane sat laust. Mange deltakarar blei verande i heile 45 minutt etter kursslutt for å jobbe vidare, diskutere det dei hadde lært og utveksle erfaringar. Det var tydeleg at interessa for temaet er stor, og at mange ser etter nye måtar å jobbe på.

Eit av poenga som verkeleg festa seg under kurset, var sitatet frå professor Karim Lakhani ved Harvard:

"AI won’t replace humans — but humans with AI

will replace humans without AI."

Det sette stemninga for eit kurs der teori, refleksjon og praktisk testing gjekk hand i hand – og der deltakarane verkeleg tok eigarskap til innhaldet.

Kurset var ein del av næringshagen sitt tilbod til målbedrifter og andre verksemder i regionen, og med fullt rom, stort engasjement og deltakarar som blei sitjande lenge etterpå, er det ingen tvil om at interessa for KI er stor.

3 gode tips for å komme i gang med KI og sosiale medium

1. Canva – Lag grafikk, innlegg og presentasjonar på null komma niks. Canva har innebygd KI som hjelper deg å skrive tekst, foreslå design og til og med lage bilete.

2. CapCut – Eit gratis og brukervennleg videoredigeringsverktøy som passar perfekt til sosiale medium. Med KI-funksjonar for automatisk teksting og smarte klipp, blir det lett å lage innhald som ser proft ut.

3. ChatGPT – Få hjelp til å skrive tekstar, lage captionar, komme på idear eller planlegge kampanjar. Det går fort, og du slepp skrivesperre.

Saman fungerer desse verktøya som eit lite, digitalt innhaldsteam – du treng berre ei god idé og litt nysgjerrigheit for å komme i gang.

Ønskjer di bedrift hjelp til å komme i gang med kunstig intelligens eller digital marknadsføring?

Vi tilbyr rådgjeving, kurs og oppfølging til verksemder i regionen – både for dei som er heilt ferske, og dei som vil ta neste steg. Ta gjerne kontakt med oss for ein prat om kva som kan passe for deg og di verksemd.